-
فرمان الہی
-
نماز کے اوقات
- ہفتہ 11؍شوال المکرم 1445ھ20؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
وزیراعظم شاہد خاقان عباسی کا کہنا ہے کہ ہم نے کسی امپائر کا انتظار کیے بغیر ترقی کا سفرجاری رکھا۔جنوبی پنجاب کا نعرہ لگانے والے مشرف کے دائیں بائیں بیٹھے تھے، اس وقت صوبہ کیوں نہیں بنایا؟
موٹر وے کے سکھر شجاع آباد سیکشن کے افتتاح کی تقریب سے خطاب کرتے ہوئے شاہد خاقان عباسی نے کہا کہ مزید صوبے ضرور بنیں لیکن اتفاق رائے سے بنیں۔ان کا کہنا تھا کہ حکومت کو غیر مستحکم کرنے کے لیے دھرنے دیے گئے اور عدالتوں میں گھیسٹا گیا ۔
وزیر اعظم نے کہا کہ آج پورے پاکستان میں کہیں بھی جائیں آپ کو مسلم لیگ ن کے کام نظرآئیں گے۔ہماری حکومت نے مشکل وقت میں کام کر کے دکھایا اور صرف منصوبے شروع ہی نہیں کئے مکمل بھی کئے ہیں۔
انہوں نے کہا کہ تمام حکومتوں کے پاس وسائل تھے، لیکن کمی سوچ اور نیت کی تھی، پرویز مشرف اور آصف زرداری نے اپنے دور میں بجلی کا کوئی کارخانہ نہیں لگایا، کیا دس سال رہنے والی آمریت کے پاس بجٹ نہیں تھا، ہماری حکومت نے اتنی بجلی پیدا کی کہ اگلے 20سال تک ملک میں بجلی کی کمی نہیں ہوگی ۔
انہوں نے کہا کہ گزشتہ پانچ برسوں میں ہونے والے کام 65 سال میں نہیں ہوئے، موجودہ حکومت نے دس ہزار چار سو میگاواٹ بجلی سسٹم میں شامل کی۔
ان کا کہنا تھا کہ لوگ کہتے ہیں صوبہ پنجاب کو سب سے زیادہ پیسہ ملتا ہے حالانکہ حقیقت یہ ہے کہ سب سے کم بجٹ صوبہ پنجاب کا ہے اور اس میں ہی شہباز شریف نے سڑکوں کا جال بچھا کر دکھایا۔
وزیراعظم کا کہنا تھا کہ ہم نے ایسا کام کیا ہے جو آج کے لیے بھی ہے اور آنے والے کل کے لیے بھی ہے۔اگر ترقی کسی صوبے میں ہوئی تو وہ پنجاب میں ہوئی جسے عالمی سطح پر بھی تسلیم کیا گیا ہے۔
ان کا کہنا تھا کہ ایک طرف وہ سیاست ہے جس کے پلیٹ فارم سے گالی، الزامات اور کسی خیر کی توقع نہیں ہے جب کہ دوسری طرف مسلم لیگ ن ملک کی ترقی ،عوام کی خدمت کا پلیٹ فارم ہے۔
