کراچی (نیوز ڈیسک) یورپ کے سائنسدانوں نے دنیا کا معمر ترین صنوبر کا درخت دریافت کرلیا ہے جس کی عمر 1230؍ سال ہے اور وہ سخت گرمی اور قحط کا سامنا کرنے کے باوجود اب بھی بڑھ رہا ہے ۔
اٹلی کے پولینو نیشنل پارک میں موجود اس درخت کا نام سائنسدانوں نے ’اٹالس‘ رکھا ہے ۔
سائنسدانوں کا کہنا ہے کہ ماحولیاتی تبدیلیوں کے باوجود اس درخت کے بڑھنے پر تحقیق سے معلوم کیا جاسکتا ہے کہ جنگلات کیسے دور جدید میں ماحولیاتی تبدیلیوں کو برداشت کرسکتے ہیں۔