تحریک انصاف کے سابق رکن قومی اسمبلی علی محمد خان کا الیکشن 2018ء کے لئے پارٹی ٹکٹ نہ ملنے پر ردعمل سامنے آگیا ہے ۔
ایک بیان میں علی محمد خان نے انہیں ٹکٹ نہ دینے کا الزام پارٹی میں موجود اسٹیٹس کو کے حامیوں پر عائد کیا ہے ۔
انہوں نے مزید کہا کہ وہ جانتے تھے کہ پارٹی میں موجود اسٹیٹس کو ان کے خلاف ہے ،ٹکٹ ملے یا نہ ملے وہ تحریک انصاف کا حصہ رہیں گے ۔
علی محمد خان نے یہ بھی کہا کہ مجھے یقین ہے پارٹی چیئرمین عمران خان لوٹوں اور نیب زدگان کے بجائے کارکنوں کی حمایت میں فیصلہ دیں گے ۔
ان کا کہنا تھا کہ حق ، میرٹ اور احتساب کے لئے آواز اٹھانا کچھ لوگوں کو ناگوار گزرا ہے ۔