آپ آف لائن ہیں
جمعہ5؍ ذوالحجہ 1439ھ 17؍اگست2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
کراچی نامعلوم افراد کے چنگل سے آزاد ہوچکا ہے، بلاول

کراچی (اسٹاف رپورٹر) پاکستان پیپلز پارٹی کے چیئرمین بلاول بھٹو زرداری کی زیر صدارت پی پی پی کراچی ڈویژن کے رہنمائوں کا ایک اجلاس بلاول ہائوس میں ہوا، جس میں آئندہ انتخابات کیلئے حکمت عملی پر غور و خوض کیا گیا۔ اجلاس میں سینیٹ میں اپوزیشن لیڈر شیری رحمان، راشد ربانی، وقار مہدی، پی پی پی کراچی ڈویژن کے صدر سعید غنی، جنرل سیکریٹری جاوید ناگوری، نبیل گبول، یوسف بلوچ، نجمی عالم، خلیل ھوت، کرم اللہ وقاصی، نادیہ گبول، نادر گبول، شکیل چوہدری اور دیگر رہنماوں نے شرکت کی۔ اس موقع پر گفتگو کرتے ہوئے پی پی پی چیئرمین نے کہا کہ کراچی نامعلوم افراد کے چنگل سے آزاد ہو چکا اور پی پی پی کی گذشتہ حکومت کی کاوشوں و اقدامات کے باعث شہر میں امن بحال ہوا۔ انہوں نے کہا کہ کراچی کی عوام پہلی بار بلا خوف وخطر اپنے حق رائے دہی کا استعمال کریں گے اور پی پی پی آئندہ انتخابات میں کراچی سے کلین سوئپ کرے گی۔ انہوں نے کراچی کے پارٹی رہنماوں و کارکنان پر زور دیا کہ وہ بھرپور الیکشن مہم کا آغاز کریں اور پارٹی کا پیغام شہر کے ہر گھر میں پہنچائیں۔ 

Chatاپنی رائے سے آگاہ کریں