آپ آف لائن ہیں
جمعرات6؍شوال المکرم 1439ھ21؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
ذلفی بخاری کا نام بلیک لسٹ سے کیسے نکلا؟

تحریک انصاف کے سربراہ عمران خان کے قریبی دوست ذلفی بخاری کا نام بلیک لسٹ سے نکالے جانے کے معاملے نے نیا رخ اختیار کرلیا۔نگراں وزیرداخلہ اعظم خان عمران خان فائونڈیشن کے بورڈ ممبر نکلے ۔

عمران خان فائونڈیشن کی ویب سائٹ پر بھی اعظم خان کا نام بطور بورڈ ممبر موجود ہے جبکہ ذلفی بخاری کا نام بلیک لسٹ سے نکالنے کے تانے بانے بھی عمران خان اور نگراں وزیر داخلہ کے ساتھ ملنے لگے ہیں۔

x
Advertisement

دوروز قبل ذلفی بخاری کو ائر پورٹ پر ایف آئی امیگریشن حکام نے بلیک لسٹ میں نام ہونے کی وجہ سے سفر کرنے کی اجازت نہیں دی تھی تاہم سیکرٹری داخلہ نے زلفی بخاری کو سعودی عرب جانے کے لیے بلیک لسٹ سے نام نکال کرسفرکی اجازت دی تھی ۔

وزارت داخلہ کے پاس بلیک لسٹ سے نام نکالنے کا صوابدیدی اختیار موجود ہے لیکن مجوزہ طریقہ کار کے مطابق بلیک لسٹ سے نام نکالنے کے لئے 2 سے 3 روزلگتے ہیں۔

ذرائع کے مطابق عمران خان ذلفی بخاری کو ساتھ لے کرجانے پر اصرار کرتے رہے ، چیئرمین تین گھنٹے سے زائد ائیرپورٹ پرذلفی بخاری کا انتظار کرتے رہےاور انہیں ساتھ عمرے کی ادائیگی کےلئے سعودی لے گئے ۔

Chatاپنی رائے سے آگاہ کریں