آپ آف لائن ہیں
جمعرات6؍شوال المکرم 1439ھ21؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
سپریم کورٹ، امیدواروں کو دیواروں پر تشہیری مہم سے روک دیا

لاہور(نمائندہ جنگ)چیف جسٹس پاکستان جسٹس میاں ثاقب نثار نے کہا ہے کہ عدلیہ اور الیکشن کمیشن پر عام انتخابات کی بڑی ذمہ داری رہ گئی ہے اللہ اس میں سرخرو کرے۔ امیدوار دیواروں پر پوسٹر نہ لگائیں،الیکشن کمیشن ضابطہ اخلاق پر سختی سے عمل درآمد کروائے۔ چیف جسٹس پاکستان کی سربراہی میں قائم 3 رکنی بینچ نے عام انتخابات میں الیکشن کمیشن کے ضابطہ اخلاق کے حوالے سے عوامی ورکرز پارٹی کی درخواست پر سماعت کی۔ درخواست گزار کے وکیل مرزا محمود احمد نے عدالت کو بتایا کہ 2012 ء میں عام انتحابات میں ضابطہ اخلاق میں ترمیم کرنے سے متعلق سپریم کورٹ سے رجوع کیا تھا تاہم عدالت عالیہ نے الیکشن کمیشن آف پاکستان کو ضابطہ اخلاق میں ترمیم کرنے کا حکم دیا تھا ۔ وکیل نے نشاندہی کی کہ درخواست گزار کی تجاویز کو ملحوظ خاطر رکھتے ہوئے الیکشن کمیشن نے ضابطہ اخلاق مکمل کر لیا ہے ۔

x
Advertisement

Chatاپنی رائے سے آگاہ کریں