• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

این اے 245 سے فاروق ستار کے کاغذات نامزدگی مسترد

تازہ ترین
قومی خبریں
19 جون ، 2018
فاروق ستار کے کاغذات نامزدگی مسترد

متحدہ قومی موومنٹ کے رہنما ڈاکٹر فاروق ستار کے کراچی کے قومی اسمبلی کے حلقے این اے 245 سے کاغذات نامزدگی مسترد ہوگئے۔

ایم کیو ایم پی آئی بی کے رہنما نے انتخابات 2018ء کے لیے کراچی کے قومی اسمبلی کے تین حلقوں سے کاغذات نامزدگی جمع کرائے تھے جن میں این اے 245،241 اور 247 کے حلقے شامل ہیں۔

حلقہ این اے 245 سے ڈاکٹر فاروق ستار کے کاغذات نامزدگی کی جانچ پڑتال ریٹرننگ افسر احسان خان نے کی جس کےبعد انہیں مسترد کردیا گیا۔

ریٹرننگ افسر کے مطابق ڈاکٹر فاروق ستار 2 مقدمات میں مفرور ہیں اور انہوں نے کاغذات نامزدگی میں اپنے مفرور ہونے کا تذکرہ نہیں کیا جس وجہ سے ان کے کاغذات مسترد کیے گئے۔

کاغذات نامزدگی مستردہونےپرفاروق ستار نےسندھ ہائیکورٹ میں اپیل کرنےکافیصلہ کیا ہے۔

فاروق ستار  نے دونوں مقدمات میں مقامی عدالت سےضمانت کرانےکابھی فیصلہ کیا ہے۔

انہوں نے میڈیا سے گفتگو کرتے ہوئے کہا کہ 28 مقدمات میں پہلےہی ضمانتیں کراچکاہوں،جن 2مقدمات پرکاغذات مستردکیےگئےان میں ضمانت نہیں کرائی تھی۔

تازہ ترین