آپ آف لائن ہیں
بدھ8؍ محرم الحرام1440ھ 19؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
بیرونی اثاثوں پر ٹیکس جمع کرنے کا طریقہ تبدیل کردیا گیا

اسٹیٹ بینک نے بیرونی اثاثوں پر ٹیکس ادائیگی کے طریقہ کار میں ترامیم کردیں۔مرکزی بینک کے مطابق ایمنسٹی اسکیم میں بیرونی اثاثوں پر ٹیکسوں کی ادائیگی صرف بینکنگ چینل سے ہوگی۔

ذرائع کے مطابق اسٹیٹ بینک نے ادائیگی کے طریقہ کار کے پہلے جاری کئے گئے نوٹیفیکشن کو وسعت دی جس کے تحت بیرونی اثاثے ظاہر کرنے والے کو ٹیکسوں کی ادائیگی کے لئے اپنے والدین، شریک حیات، بچوں اور بہن بھائیوں کے بینک اکاؤنٹ استعمال کرنے کی اجازت ہوگی۔

ذرائع نے مزید بتایا کہ بیرونی اثاثے ظاہر کرنے والا اگر پاکستان میں رہائش پذیر ہے تو وہ اپنے بیرون ملک میں بینک اکائونٹس سے چیک کےذریعے ادائیگی کرسکے گا۔

اس کے علاوہ اثاثے ظاہر کرنے والے کو پاکستان میں اپنے یا اپنے رشتے دار کے فارن کرنسی اکاؤنٹ سے مشروط ادائیگی کی اجازت دی گئی ہےتاہم ایکسچینج کمپنیوں کے ذریعے ٹیکسوں کی ادائیگی کی اجازت نہیں ہوگی۔

Chatاپنی رائے سے آگاہ کریں