ترک صدر آج اپنے عہدے کا حلف اٹھائیں گے

ترکی کے دوسری بار منتخب ہونے والے صدر رجب طیب اردوان آج اپنے عہدے کاحلف اٹھائیں گے۔

ترک خبر ایجنسی کے مطابق رجب طیب اردوان کی حلف برداری کی تقریب میں عالمی شخصیات بھی شرکت کریں گی، جس کے باعث تقریب کیلئے سیکیورٹی کے سخت انتظامات کئے گئے ہیں۔

ذرائع کے مطابق حلف اٹھانے کے بعد ترک صدر آج ہی اپنی نئی کابینہ کا بھی اعلان کریں گے۔

واضح رہے کہ ترکی میں 24 جون کو ہونے والے صدارتی انتخابات میں اردوان نے 52 فیصد ووٹ حاصل کئے تھے۔