اینیمیٹیڈ فلم ونڈر پارک کا پہلا ٹریلر جاری

ہالی ووڈ کی کامیڈی سے بھرپور نئی کمپیوٹر اینیمیٹیڈ فلم ونڈر پارک کانیا ٹریلر جاری کر دیا گیا ۔

جوش ایپل بوام اور اینڈری نیمک کی مشترکہ پروڈکشن میں بننے والی اس فلم کی کہانی ایک ایسی بچی اور اس کے دوستوں کے گرد گھوم رہی ہے جو نت نئی رائیڈز کی شوقین ہوتے ہیں اور ایک ایسے جادوئی امیوزمنٹ پارک میں پہنچ جاتے ہیں جہاں ایک نئی دنیا اس کا انتظار کر رہی ہوتی ہے ۔

جنگل بیاباں میں موجود اس ونڈر لینڈ میں ان دوستوں کے آتے ہی جیسے زندگی لوٹ آتی ہے اور دیکھتے ہی دیکھتے یہ جادوئی ونڈر پارک جگمگ کرنے لگتا ہے جہاں ہواؤں میں اڑتی رولر کوسٹر ،دیوہیکل فیرس وہیلز، ٹریک کے بغیر اڑتی ٹرین اور ایسی ایسی رائیڈز اس بچی کو حیران کر دیتی ہیں ۔

جادو کے زیر اثر حیرت انگیز حیرت انگیز ونڈر پارک پربننے والی ایڈونچر سے بھرپور اس کامیڈی فلم کی مختلف اینیمیٹیڈ کرداروں کے ڈائیلاگ معروف ہالی وڈ اداکارملا کیونس،جنیفیر گارنز،کین ہڈسن ،جان اولیور،کین جیونگ،صوفیہ مالی ،کیون چیمبر لن ،بریانا ڈینسکی اورنوربرٹ لیو برٹز کی آوازوں میں ریکارڈ کئے گئے ہیں۔

فلم پیرا ماؤنٹ پکچرز کے تحت 15مارچ 2019کو سنیما گھروں میں نمائش کیلئے پیش کر دی جائیگی۔