آپ آف لائن ہیں
بدھ15؍ محرم الحرام1440ھ 26؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن


 لیجنڈری اداکارہ مدھو بالا کی بہن مدھر بھوشن نے ان کی زندگی پر فلم بنانے کا اعلان کیا ہے۔

مدھو بالا نے بالی وڈ میں کئی کلاسک فلموں میں اداکاری کے جوہر دکھائے اور ان کا شمار ماضی کی خوبصورت ترین اداکاراؤں میں ہوتا ہے۔

لیجنڈری اداکارہ مدھو بالا کی زندگی پر فلم بنانے کا اعلان

اداکارہ کا اصلی نام ممتاز جہاں بیگم ہے جنہوں نے 9؍ سال کی عمر میں فلمی دنیا میں قدم رکھا تھا لیکن 1947ء کی فلم ’نیل کمال‘ سے بطور مرکزی کردار بالی وڈ میں انٹری دی۔

انہوں نے ’پارس‘، ’محل‘، ’دولت‘، ’اپرادی‘، ’نرالا‘ اور ’مغل اعظم‘ سمیت کئی شہرہ آفاق فلموں میں کام کیا اور فلم ’مغل اعظم‘ میں ’انار کلی‘ کا کردار اب تک فلم بینوں کو یاد ہے۔

لیجنڈری اداکارہ مدھو بالا کی زندگی پر فلم بنانے کا اعلان

مدھو بالا کی زندگی پر ان کی بہن مدھر بھوشن نے فلم بنانے کا اعلان کیا ہے اور اپنے انٹرویو میں کہا ہے کہ وہ اپنی بہن کی زندگی پر فلم بنانے کے لیے کئی ہدایت کاروں سے رابطے میں ہیں اور جلد ہی اس حوالے سے حتمی فیصلہ کریں گی۔

انہوں نے کہا کہ فلم میں ’مدھو بالا‘ کی زندگی کے ہر پہلو کو سامنے لایا جائے گا اور کوشش کی جائے گی کہ فلم میں حقیقت کو بیان کیا جائے۔

لیجنڈری اداکارہ مدھو بالا کی زندگی پر فلم بنانے کا اعلان

مدھر بھوشن کا کہنا ہے کہ فلم میں مرکزی کردار کے لیے بالی وڈ کی کئی ادکاراؤں کے نام زیر غور ہیں۔

ماضی کی خوبرو اداکارہ کا صرف 36؍ سال کی عمر میں 23؍ فروری 1969ء کو انتقال ہوگیا تھا۔

Chatاپنی رائے سے آگاہ کریں

انٹرٹینمنٹ سے مزید
ویڈیو رپورٹس سے مزید
دنیا بھر سے سے مزید
انٹرٹینمنٹ سے مزید