’نگراں حکومت قبل از انتخابات دھاندلی کر رہی ہے‘

12 جولائی ، 2018

سابق وزیر اعلیٰ پنجاب شہباز شریف نے کہا کہ پولیس نگران وزیراعلیٰ اور دیگر کی ہدایت میں ہمارے کارکنان کو گرفتار کر رہی ہے اور یہ گرفتاریاں انتخابات سے قبل دھاندلی ہے۔

لاہور میں پریس کانفرنس کے دوران شہباز شریف نے کہا کہ انتظامیہ اور پولیس کو واضح کہنا چاہتا ہوں وقت ایک جیسا نہیں رہتا، جب ہماری حکومت آئے گی تو انصاف کے کٹہرے میں لے کر آئیں گے۔

انہوں نے کہا کہ نیب کرپشن کا کوئی ثبوت پیش نہیں کر سکا، مسلم لیگ ن کی حکومت آئی تو آپ کو انصاف کے کٹہرے میں کھڑا کریں گے،نواز شریف اپنی بیٹی کے ہمراہ کل لاہور ایئرپورٹ پر اتریں گے۔

اس سے قبل پریس کانفرنس کرتے ہوئے انہوں نےکہا کہ نوازشریف کا استقبال کرنا آئینی اورقانونی حق ہے، وہ خود کارکنوں کے ہمراہ 13 جولائی کو ایئرپورٹ پہنچیں گے۔

شہباز شریف نے کہا ہے کہ ہم پرامن طریقے سے نوازشریف کا استقبال کریں گے اور اس دوران کارکن سرکاری املاک کو نقصان نہیں پہنچائیں گے۔

تازہ ترین