آپ آف لائن ہیں
جنگ ای پیپر
پیر 12؍صفر المظفّر 1440ھ 22؍اکتوبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
بلاویو میں امام کی سنچری، پاکستان 201رنز سے فاتح

پاکستان اور زمبابوے کے درمیان 5 ایک روزہ میچوں پر مشتمل سیریز کے پہلے میچ میں گرین شرٹس نے میزبان ٹیم کو یکطرفہ مقابلے کے بعد 201رنز سے شکست دے دی ہے۔ امام الحق شاندار سنچری اسکور کرنے پر مین آف دی میچ رہے اور پاکستان کو 2018 میں پہلی کامیابی دلوائی۔

بلاویو میں امام کی سنچری، پاکستان 201رنز سے فاتح

میچ میں ٹاس ہار کر پہلے بیٹنگ کرنے والی سرفراز الیون نے میزبان زمبابوے کو صرف 107رنز پر پویلین بھیج دیا، ٹیم کا کوئی بیٹسمین گرین شرٹس کے بولرز کا ڈٹ کر مقابلہ نہ کرسکا اور ایک ، ایک کرکے تمام بیٹسمین پویلین لوٹتے گئے تاہم زمبابوے کی جانب سے ڈیبیو کرنے والے وکٹ کیپر بیٹسمین ریان مررے 32رنز بنا کر نمایاں رہے۔

پاکستان بولرز کی جانب سے شاداب خان4، عثمان خان اور فہیم اشرف 2،2جبکہ حسن علی اور محمد عامر نے ایک، ایک وکٹ حاصل کی ۔

بلاویو میں امام کی سنچری، پاکستان 201رنز سے فاتح

اس سے قبل کوئینز کلب میچ میں کھیلے جانے والے پہلے ایک روزہ میچ میں زمبابوے نے ٹاس جیت کر پاکستان کو پہلے بیٹنگ کی دعوت دی تو گرین شرٹس نے مقررہ 50 اوورز میں 7وکٹ پر 308رنز کا ہدف مقرر کیا ۔

بلاویو میں امام کی سنچری، پاکستان 201رنز سے فاتح

قومی اوپنرز نے ٹیم کو ایک زبردست آغاز فراہم کیا اور ایک بڑے ہدف کی بنیاد رکھی ، اوپنر امام الحق نے شاندار 128رنز اسکور کیے جبکہ فخرزمان 60رنز کے ساتھ نمایاں رہے اور پہلی وکٹ پر 113رنز کی شراکت قائم کی جبکہ ڈیبیوکرنے والے نوجوان بیٹسمین آصف علی نے برق رفتار 46رنز بنائے تاہم زمبابوے بولرز کی جانب سے ٹینڈائی چتارا اور ڈونلڈ ٹریپانو نے2،2 وکٹیں حاصل کیں۔

بلاویو میں امام کی سنچری، پاکستان 201رنز سے فاتح

سرفراز الیون میں  فخر زمان، امام الحق، بابراعظم، شعیب ملک، آصف علی، کپتان سرفراز احمد، شاداب خان، فہیم اشرف، حسن علی، محمد عامر، عثمان خان اور یاسر شاہ پر مشتمل ہے۔

دوسری جانب میزبان ٹیم کی قیادت ہیملٹن مساکاڈزا کے سپرد ہے جبکہ زمبابوین اسکواڈ میں برین چاری، ٹینڈائی چتارا، چامو چیباہا، ٹیندائی چتارا،، ویلنگٹن مساکدزا، پیٹر مور، ریان مری، تریسائی موساکنڈا، بلیسنگ مزربانی، لیام روچی اور ڈونلڈ ٹریپانو شامل تھے۔

Chatاپنی رائے سے آگاہ کریں