’میاں صاحب آگئے ہیں تو 300ارب بھی واپس کردیں‘

13 جولائی ، 2018

تحریک انصاف کے چیئرمین عمران خان نے کہا ہے کہ میاں صاحب آگئے ہیں تو اب 300ارب روپے بھی واپس کردیں۔

اسلام آباد کے علاقے کراچی کمپنی میں خطاب کےد وران عمران خان نے نوازشریف کو مجرم اعظم کالقب دیا اور کہا کہ وہ اب لوٹی ہوئی قومی دولت بھی واپس کردیں۔

ان کا کہناتھاکہ تبدیلی آگئی ہے جو تبدیلی رہ گئی وہ 25 جولائی کو آجائے گی۔وہ کرپشن پر قابو پانے کے لیے نیب کو مضبوط اور ٹیکس چوروں کو ایف آئی اے اور نیب کےحوالے کریں گے۔

انہوں نے دعویٰ کیا کہ وہ 8 ہزار ارب روپے پاکستان کے خزانے میں اکٹھا کرکے دکھائیں گے۔

عمران خان نے کہا کہ خیبرپختونخوا میں ان کی حکومت نے تعلیم اور صحت کے لیے جو کام کیے وہ ملک بھر میں کریں گے،انہوں نے کے پی میں کرپشن اور سفارش ختم کی۔

انہوں نے کہا کہ اللّٰہ قوم کو قسمت بدلنے کا موقع بار بار نہیں دیتا کیوں کہ پہلے ایک جاتا تھا تو دوسرا آجاتا تھا۔

واضح رہے کہ سابق وزیر اعظم نواز شریف اپنی صاحبزادی مریم نواز کے ہمراہ لندن سے لاہور پہنچے ہیں جہاں نیب نے انہیں باقاعدہ گرفتار کرلیا ہے۔

تازہ ترین