فلم ”فینی خان “ کا ایک اور گانا ’ اچھے دن ‘ریلیز

بالی و وڈ اسٹار انیل کپور اور سابق حسینہ عالم ایشوریا رائے بچن 17 سال بعد ایک بار پھر فلمساز پریرنا اروڑہ کی فلم ’فینی خان میں جلوہ گر ہوں گے۔

بالی ووڈ کی نئی آنے والی فلم فینی خان کے نئے گانے کی ویڈیو جاری کردی گئی ہے۔ اچھے دن نامی اس گانے کو امیت تریویدی کی آواز میں ریکارڈ کیا گیا ہے ۔

گانے کے لیرکس ارشاد کامل نے ترتیب دی ہے۔

انیل کپور اور ایشوریا رائے بچن کی جوڑی فلمساز پریرنا اروڑہ کی فلم ’فینی خان ‘ میں ایک ساتھ نظر آئے گی جسکی کہانی فلم میوزک اور کامیڈی پر مبنی ہے۔

فلم کی دیگر کاسٹ میں راج کمار راؤ ، دیویا دتہ بھی شامل ہیں۔

گزشتہ دنوں فلم کا گانا’’ہلکا ہلکا سرور‘‘ریلیز کیا گیا تھا جسے یوٹیوب پر 24 گھنٹوں کے دوران تقریباً ایک کروڑ سے زائد بار دیکھا جاچکا ہے جبکہ فلم کا ٹریلر تو پہلے ہی مداحوں میں مقبول ہوچکا ہے۔

فلم کی کہانی انیل کپور اور ان کی بیٹی سے شروع ہوگی، جن کی زندگی میں ایشوریا رائے کے آتے ہی سب تبدیل ہوجائے گا۔

’فینی خان‘ کی ہدایات اتل منجریکر دے رہے ہیں جس میں اداکار راج کمار راؤ ایشوریا کے ساتھ پہلی مرتبہ رومانوی کردار ادا کریں گے۔

واضح رہےکہ انیل کپور اور ایشوریا رائے 1999 میں ریلیز ہونے والی فلم ’’تال‘‘ اور 2000 میں فلم ’’ہمارا دل آپ کے پاس ہے‘‘ میں ایک ساتھ دکھائی دیئے تھے جب کہ دونوں اداکاروں کی جوڑی نے اس کے بعد کبھی بھی کسی فلم میں ایک ساتھ کام نہیں کیا لیکن اب دونوں 17 سال بعد ایک ساتھ جلوہ گر ہونے کو تیار ہیں۔

فلم فینی خان رواں سال 3اگست کو نمائش کیلئے پیش کی جائیگی۔