آپ آف لائن ہیں
منگل14؍ محرم الحرام 1440 ھ25؍ستمبر 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
سگریٹ کا آدھا پیکٹ فروخت کرنے والے دکاندار پر 5ہزار ریال جرمانہ

متعدد سرکاری اداروںک ی نمائندہ کمیٹی نے اعلان کیا ہے کہ سگریٹ کا آدھا پیکٹ فروخت کرنے پر 5ہزار ریال اور شیشے کے تمباکو کی فروخت پر 30ہزار ریال کا جرمانہ ہوگا۔

کمیٹی کے اہلکاروں نے جدہ شہر کی دکانوں اور قہوہ خانوں پر چھاپے مارے۔کمیٹی میں وزارت صحت ، امن عامہ اور جدہ میونسپلٹی کے نمائندے شامل ہیں۔

سگریٹ کا آدھا پیکٹ فروخت کرنے والے دکاندار پر 5ہزار ریال جرمانہ

کمیٹی نے تمام دکانوں پر پابندی لگائی ہے کہ وہ اپنے بورڈ سفید اور سیاہ دو رنگوں میں تیار کرائیں۔ دکان کے شیشے کو پوری طرح سے کلر کروائیں۔ خلاف ورزی پر جرمانہ ہوگا۔

مقامی رپورٹس میں بتایا گیا ہے کہ سگریٹ اور تمباکو کے نرخ بڑھائے جانے پر دکانداروں نے سگریٹ کی پوری ڈبیہ کے بجائے کھلے سگریٹ فروخت کرنا شروع کر دیئے ہیں۔

سگریٹ کا آدھا پیکٹ فروخت کرنے والے دکاندار پر 5ہزار ریال جرمانہ

سعودی عرب میں حقے کیلئے تیار کیا جانے والا تمباکو ہاتھ سے بنانے پر پابندی ہے۔

رپورٹس میں بتایا گیا ہے کہ ان دنوں تمباکو ہاتھ سے تیار کیا جانے لگا ہے۔ ایسا کرنے والوں کو 20سے 30ہزار ریال جرمانے کا سامنا کرنا پڑے گا۔  دکان سربمہر کی جا سکتی ہے۔

دکانداروں پر پابندی عائد کی گئی ہے کہ حقے کے تمباکو کے ڈبے کا حجم  500گرام سے کم نہ ہو ۔

ڈبے کے اوپر تمباکو تیار کرنے اور قابل استعمال ہونے کی آخری تاریخ کا اندراج بھی لازمی کر دیا گیا ہےجبکہ تمباکو میں شامل دیگر عناصر کی بھی نشاندہی تحریری طور پر کی جانی لازمی ہے۔

Chatاپنی رائے سے آگاہ کریں