تھرپارکر میں غذائیت کی کمی اور دیگر امراض کے باعث سول اسپتال مٹھی میں آج دو بچے جاں بحق ہو گئے۔
محکمہ صحت تھرپارکر کے مطابق سول اسپتال مٹھی میں غذائیت کی کمی اور دیگر امراض کے باعث دو بچے جاں بحق ہو ئے ہیں، دونوں بچے نوزائیدہ ہیں۔
محکمہ صحت کے حاصل کردہ اعدادوشمار کے مطابق گزشتہ ایک ماہ کے دوران سول اسپتال مٹھی میں غذائیت کی کمی کے باعث 70بچے جاں بحق ہوئے تھے جو کسی بھی ایک ماہ میں جاں بحق ہونے والے بچوں کی زیادہ سے زیادہ تعداد ہے ۔
سال رواں میں اب تک سول اسپتال مٹھی میں 375بچے جاں بحق ہوئے ہیں۔