ہاتھوں سے معذور حجام کی ہیئر سٹائلنگ کے چرچے

ارجنٹینا سے تعلق رکھنے والے گیبرل ہیریڈیا نامی نوجوان پیدائشی طور پر ہاتھوں سے معذور ہیں لیکن ایک ماہر حجام کے طور پر اپنی خدمات سرانجام دے رہے ہیں۔

گیبریئل ہیریڈیا کی عمر صرف 20 سال ہے اور ہر طرح کی ہیئرڈریسنگ اور اسٹائلنگ کے ماہر ہیں لیکن وہ دونوں ہاتھوں سے مکمل طور پر محروم ہوتے ہوئے بھی اپنا کام انتہائی مہارت سے کرتے ہیں۔

پہلے انہوں نے شوقیہ کام شروع کیا اور اس کے بعد اسے بطور پیشہ اپنایا اور اب لوگ ان سے بہت اپنی حجامت بنواکر بہت مطمئن ہیں۔

گزشتہ ڈیڑھ برس سے وہ اپنی دکان چلارہے ہیں۔

گیبریئل اپنا علم ایسے نادار لوگوں تک بھی منتقل کررہے ہیں جو اس شعبے کو اپنا کر کچھ رقم کمانا چاہتے ہیں۔

وہ اپنی شاندار ہیئر اسٹائلنگ کی مہارت کبھی ہیئر مشین سے تو کبھی بازو کی مدد سے قینچی پکڑے کر دکھاتے ہیں۔

گیبریئل کہتے ہیں کہ میں ہر روز بہتر سے بہتر کام کرتا ہوں اور یہی میری کامیابی کا راز بھی ہے۔ ان کی دکان بیونس آئرس میں ہے اور صرف ڈیڑھ برس میں وہ پورے شہر میں مشہور ہوچکے ہیں۔

حال ہی میں ہیئر اسٹائلنگ کرتے ہوئے ان کی ویڈیو ایک گاہک نے ٹوئٹر پر پوسٹ کی جس کے بعد اب یہ وائرل ہوگئی ہے۔