آپ آف لائن ہیں
بدھ8؍ محرم الحرام1440ھ 19؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایک امریکی کمپنی نے بہت ہی دلچسپ ملازمت کا اعلان کرتے ہوئے کہا ہے کہ ان کی توقعات پر پورے اترنے والے کسی ماہر شخص کو صرف 15 دن کےلیے 12 لاکھ پاکستانی روپوں کے برابر تنخواہ دی جائے گی جس کے لیے پورے ملک میں سفر کرکے باربی کیو کھانے چکھنے ہوں گے۔

امریکا کی مشہور کمپنی رونلڈ ریپ نے ایک اشتہار دیا ہے جس میں انہوں نے چیف گِرلِنگ آفیسر کیلئے ملازمت کا اعلان کیا ہے۔

کمپنی کے مطابق افسر کو امریکا بھر میں گھوم کرنامور ریسٹورنٹس کے باربی کیو کھانے چکھنے ہوں گے اور ان کے بارے میں اپنی رائے دینا ہوگی۔

ملازمت کا دورانیہ صرف دو ہفتے پر محیط ہے جس میں کھانے اور سفر کے تمام اخراجات کمپنی برداشت کرے گی اور تنخواہ کے طور پر دس ہزار ڈالر بھی ادا کرے گی ۔

کمپنی کے مطابق دورانِ ملازمت سی جی او کو امریکا کے ان بہترین ریستورانوں میں بھیجا جائے گا جو باربی کیو اور گِرل گوشت کےلیے مشہور ہیں۔

اس کے بدلے اسے اپنے تاثرات، تصاویر اور اس ہوٹل میں استعمال ہونے والے، بار بی کیو بنانے کے طریقے اور ٹوٹکے رونلڈز کی ویب سائٹ اور سوشل میڈیا پر پوسٹ کرنا ہوں گے۔

یاد رہےکہ ملازمت کے لئے اپلائی کرنے کی لاسٹ ڈیٹ 13 اگست رات بارہ بجے تک ہے۔

Chatاپنی رائے سے آگاہ کریں