کرینہ کپور نے فلم کا معاوضہ7 سے بڑھا کر10کروڑ کر لیا

10 اگست ، 2018

بالی ووڈ اداکارہ کرینہ کپور نے فلم ’ویر ے دی ویڈنگ ‘ کی شاندار کامیابی کے بعد اپنا معاوضہ بڑھا لیا۔

کرینہ کپور نے فلم کا معاوضہ7 سے بڑھا کر10کروڑ کر لیا

بھارتی میڈیاکے مطابق کرینہ کپورنے فلم ’ ویرے دی ویڈنگ ‘ کے لئے7کروڑ معاوضہ لیا تھا اور فلم کی شاندار کامیابی کے بعد اب انہوں نے اپنا معاوضہ بڑھا کر 10کروڑ کر لیا ہے۔

چار سہیلیوں کی دوستی پر بنائی گئی فلم ’’ ویرے دی ویڈنگ‘‘ منفرد کہانی کے ساتھ ساتھ فیشن اور اسٹائل کی وجہ سے باکس آفس پر دنیا بھر میں 100 کروڑ روپے سے زائد کا بزنس کرکے خاصی مقبول رہی جس میں نوجوان نسل کی دو مقبول فنکارائیں کرینہ کپور اور سونم کپور پہلی بار ایک ساتھ اکٹھے جلوہ گر ہوئی تھیں۔

جیسے ہی کرینہ کپور نے اپنے معاوضے میں اضاف کیا ہے، انہیں متعدد فلموں کی پیش کش موصول ہوئی ہے۔

دوسری جانب اداکارہ کرن جوہر کی فلم ’’تخت‘‘ اور 2007 میں بننے والی فلم ’’ ’’لائف ان اے میٹرو‘‘ کے سیکوئل میں نظر آئیں گی۔

کرینہ کپور کو شاہ رخ خان کی آنے والی فلم ‘سلیوٹ’ میں بھی کاسٹ کیے جانے کا امکان ہے۔

واضح رہے کہ بالی ووڈ کی فلم ‘پدماوت’ کی اداکارہ دپیکا پڈوکون نے بھی پدماوتی کا کردار ادا کرنے کے بعد اپنا معاوضہ بڑھا کر 13 کروڑ روپے کرلیا تھا۔

دوسری جانب کنگنا رناوٹ نے بھی سمرن اور رنگون جیسی فلموں کے بعداب نئی فلم ’منی کارنیکا: دی کوئی آف جھانسی’ میں اپنا معاوضہ بڑھا لیا تھا تاہم اب کرینہ کپور نے بھی فلم’ ویرے دی ویڈنگ‘ کی شاندار کامیابی کے بعد اپنا معاوضہ بڑھاکر خود کو زیادہ معاوضہ لینے والی اداکاراؤں کی فہرست میں شامل کرلیا۔