آپ آف لائن ہیں
جمعرات4؍ ذوالحجہ 1439ھ16؍ اگست 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الیکشن کمیشن نے قومی اسمبلی میں اقلیتوں اور خواتین کی مخصوص نشستوں کی تقسیم کا اعلان کر دیا ہے۔

ذرائع کے مطابق قومی اسمبلی میں تحریک انصاف کے ارکان کی تعداد 158 ہو گئی جبکہ مسلم لیگ ن کے ارکان کی تعداد 82 تک پہنچ گئی۔

قومی اسمبلی میں مخصوص نشستیں ملنے کے بعدپیپلزپارٹی کے اراکین کی تعداد 52 ہوگئی جبکہ متحدہ مجلس عمل کی نشستوں کی تعداد15 ہے۔

تحریک انصاف نے خواتین کی مخصوص نشستوں پرشیریں مزاری ، منزہ حسن ،عندلیب عباس اورسابق وزیر اعلیٰ خیبر پختونخوا پرویز خٹک کی بیوی کی بہن نفیسہ عنایت الله خان خٹک اور بھتیجی ساجدہ بیگم سمیت 16اراکین کونامزد کیا۔

مسلم لیگ ن کی جانب سے سابق وزیر اطلاعات مریم اورنگزیب اور ان کی والدہ طاہرہ اورنگزیب، سابق وزیر خزانہ پنجاب عائشہ غوث پاشا اورخواجہ آصف کی اہلیہ مسرت آصف خواجہ اوربھتیجی شزافاطمہ خواجہ،سابق وزیراعظم کے معاون خصوصی طارق فاطمی کی اہلیہ زہرہ ودود فاطمی ، سابق وزیرمملکت چودھری جعفر اقبال کی بیٹی زیب جعفر اوربھتیجی مائزہ حمید ، رکن آزاد کشمیر اسمبلی ناصر ڈار کی بہن کرن ڈارسمیت پندرہ اراکین کو ٹکٹ دئیےگئے۔

پیپلز پارٹی نے حنا ربانی کھر ،شگفتہ جمانی ،شازیہ مری ، ناز بلوچ ، ایم کیو ایم پاکستان نے کشور زہرا جبکہ متحدہ مجلس عمل نے سپریم کورٹ بار کے سابق صدر کامران مرتضیٰ کی اہلیہ عالیہ کامران کوبلوچستان سے نامزد کیا۔

Chatاپنی رائے سے آگاہ کریں