پاکستان اسٹاک ایکسچینج ،کاروبار کا مثبت دن، انڈیکس میں157 پوائنٹس کا اضافہ

عید کی تعطیلات کے بعد پاکستان اسٹاک ایکسچینج میں پیر کو کاروبار کا مثبت دن رہا ۔ 100 انڈیکس 157 پوائنٹس اضافے سے 42745 پر بند ہوا۔

پاکستانی شیئرز بازارمیں کاروبار کےد وران اکیس کروڑ شیئرز کے سودے ہوئے جن کی مالیت نو ارب روپے سے زائد رہی ، مارکیٹ میں خریداری کا رجحان رہا ، جبکہ مارکیٹ کی کیپٹلائزیشن بھی تیئیس ارب روپے بڑھ کر آٹھ ہزار سات سو چھیتر ارب روپے ہوگئی۔

کاروبار کے دوران 100 انڈیکس نے 284 پوائنٹس کے بینڈ میں کاروبار کیا۔