جاوید میانداد نے کراچی کیلئے اپنی خدمات پیش کردیں

عمران خان کے کرکٹ کے پرانے ساتھی جاوید میانداد نے کراچی کےلئے اپنی خدمات وزیراعظم کو پیش کردیں۔

اپنے نئے ویڈیو پیغام میں جاوید میانداد نےکہا کہ میرے پاس بڑے پلان ہیں،مجھے ٹائم دیں ،عمران خان نے مجھے ہمیشہ خوش آمدید کہا ہے۔

قومی ٹیم کے سابق کپتان نے کہا کہ کراچی کی جو بھی پرابلم ہوگی میں اُس کو حل کرسکتا ہوں،مل کر کام کرنے کا وقت ہے۔

جاوید میانداد نے یہ بھی کہا کہ ہمیں ایک آدمی کا ساتھ دینا ہوگا، اسے وقت دینا ہوگا ، اس مدت کے بعد سب خود بخود دودھ کا دودھ پانی کا پانی ہوجائے گا۔

ان کا کہناتھاکہ ملک کے لئے کام کرنا چاہتا ہوں ،آج بھی میں یہ کہہ رہاہوں کہ مجھے آپ کام دیں۔