آپ آف لائن ہیں
اتوار 12؍محرم الحرام 1440ھ 23؍ ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یہ زمیں چائو سے دیکھتا ہے گگن

چاہتی ہے اِسے عالمی انجمن

اِس کی تعریف کرتے ہیں اہلِ سخن

سیکھتے ہیں مصوّر یہاں آکے فن

ہے بہشتوں سے پیارا ہمارا وطن

ہر طرف جارہی ہے نظر بار بار

کوہساروں سے بہتے ہوئے آبشار

روح کو تازگی بخشتے سبزہ زار

کھیتیاں، باغ، دریا و دشت و دمن

ہے بہشتوں سے پیارا ہمارا وطن

آدمی سے یہاں پیار کرتے ہیں لوگ

دردمندی کا اظہار کرتے ہیں لوگ

وقت پڑنے پہ ایثار کرتے ہیں لوگ

دور کرتے ہیں سب کے ملال و محن

ہے بہشتوں سے پیارا ہمارا وطن

یہ روایات و آثار کی سرزمیں

اے شعورؔ اِس کے دامن میں کیا کیا نہیں

ناز کرتے ہیں ایسے مکاں پر مکیں

اس پہ قربان تن اور مَن اور دَھن

ہے بہشتوں سے پیارا ہمارا وطن

Chatاپنی رائے سے آگاہ کریں