آپ آف لائن ہیں
جنگ ای پیپر
بدھ12 ربیع الاوّل 1440ھ 21؍نومبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوبائی مشیر اطلاعات، قانون و اینٹی کرپشن مرتضی وہاب کا کہنا ہے کہ 48، 48 گھنٹے کی سی این جی بندش نہ قابل قبول ہے، سوئی گیس حکام کی نااہلی کا خمیازہ سندھ کا شہری بھگت رہا ہے۔

مرتضی وہاب نے کہا کہ سندھ میں آئے روز اچانک سی این جی بندش سوالیہ نشان ہے، سوئی گیس سی این جی صارفین کی مشکلات میں اضافہ کر رہی ہے۔

ان کا کہنا تھا کہ سندھ گیس کے وسائل سے مالا مال صوبہ ہے مگر لوگوں کو گیس دستیاب نہیں،جبکہ وفاق سندھ کے قدرتی وسائل پر صوبے کے جائز حق سے دستبردار ہونے کو تیار نہیں ۔

مرتضی وہاب نے کہا کہ جہاں سے گیس نکل رہی ہے وہاں گیس کی لوڈ شیڈنگ آئین شکنی کے مترادف ہے، سی این جی بندش سے سندھ کے شہری روز مشکلات کا شکار ہو رہے ہیں۔

Chatاپنی رائے سے آگاہ کریں