آپ آف لائن ہیں
جمعہ 10؍محرم الحرام 1440ھ 21؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مقبوضہ کشمیر کے علاقے گلورا میں بھارتی فورسز نے محاصرے کے دوران فائرنگ کرکے دو کشمیریوں کو شہید کر دیا۔

مقبوضہ کشمیر کےضلع ہندواڑہ کے علاقے گلورا میں قابض بھارتی فوج نے فائرنگ کر کے دو کشمیریوں کو شہید کر دیا، سیکیورٹی فورسز نے بڑے علاقے کو گھیرے میں لے لیا،علاقے کے بیشتر اسکول بند اور انٹرنیٹ سروس معطل کردی گئی۔

مقبوضہ کشمیر میں بھارتی فوج کی وحشیانہ کارروائیاں جاری ہیں، قابض بھارتی فوج نے ہند واڑہ کے علاقےگلورا Guloora کا محاصرہ کیا اور فائرنگ کرکے دوکشمیریوں کو شہید کر دیا، دونوں شہداء کی لیاقت اور فرقان کے ناموں سے شناخت ہوئی ہے۔

بھارتی فورسز کے اہلکاروں نے علاقے میں گھروں کی تلاشی بھی لی، بھارتی مظالم سامنے آنے سے روکنے کیلئے انٹر نیٹ سروس معطل کر دی گئی اور بیشتر اسکول بھی بند کر دیے گئے ہیں۔

دوسری جانب حریت قیادت نے جمعے کو مقبوضہ کشمیر کے علاقے سوپور میں مکمل ہڑتال کا اعلان کیا ہے، جس کا مقصد بھارتی ایجنسیوں کے ہاتھوں حریت رہنما حکیم الرحمان سلطانی کے قتل کے خلاف احتجاج ریکارڈ کراناہے۔

حریت رہنما حکیم الرحمان سلطانی کو سوپور میں 3روز قبل گولی مار کر شہید کردیا گیا تھا۔

Chatاپنی رائے سے آگاہ کریں