ہرحریت پسندتحریک کربلا کی مرہون منت نظر آتی ہے،ساجدنقوی

وہاڑی(نمائندہ جنگ) ملت جعفریہ پاکستان کےقائد علامہ ساجدعلی نقوی نےکہاہےکہ محسن انسانیت نواسہ رسولؐ سیدالشہدا ءحضرت امام حسینؓ کی جدوجہداورواقعہ کربلا سے الہام اور استفادہ کرنیکاسلسلہ 61ھجری سےآج تک جاری ہے اورتاقیامت تک جاری رہےگا،انہوں نےکہا کہ دنیا کی ہر حریت پسندتحریک کربلا کی مرہون منت نظرآتی ہیں اور دنیا کی تمام حریت پسندتحریکیں حضرت امام حسین ؓ کی شخصیت سے متاثر ہیں اورظلم وتجاوز کےخلاف حسینی عزم کیساتھ جدوجہد کر رہی ہیں،عزاداری سیدالشہداء جبرکیخلاف جہاد کرنیکا جذبہ عطا کرتی ہے،وہاڑی کےضلعی نائب صدرعلامہ نسیم عباس جوادی کےنام محرم الحرام کی مناسبت سےاپنے ایک پیغام میں علامہ ساجد نقوی نے کہا کہ نواسہ رسولؐ نے صحرائے کربلا میں اپنے اصحاب وانصارسمیت شہادت کےدرجہ پر فائز ہوکراسلام اور انسانیت کی بقاء کاانتظام کردیا،انہوں نےکہاکہ محرم کی آمد سےقبل ہی ملک میں سنسنی خوف اورجنگ کا ماحول پیدا کردیاجا تاہےجومحرم کےتقدس کی نفی کرتاہےاس صورتحال کاخاتمہ کرناحکومت اورقانون نافذ کرنیوالے اداروں کی اولین ذمہ داری ہے۔