آپ آف لائن ہیں
جنگ ای پیپر
بدھ4؍ربیع الثانی 1440ھ 12؍دسمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر مملکت ڈاکٹر عارف علوی نےکہا ہے کہ کراچی ملک کا معاشی حب اور دنیا کے بڑوں شہروں میں سے ایک ہے ، اس کا انفرا اسٹرکچر بڑے شہروں جیسا ہونا چاہئے ۔

اسٹیٹ گیسٹ ہائوس میں صدر مملکت کی زیرصدارت اجلاس ہواجس میں گورنر سندھ عمران اسماعیل اور وفاقی وزیر خزانہ اسد عمر نے شرکت کی ۔

اس موقع پر عارف علوی نے کہا کہ گورنر سندھ وفاقی منصوبوں پر عمل درآمد کی نگرانی کریں گے ۔

صدر مملکت کا کہنا تھاکہ وفاقی حکومت کے ترقیاتی منصوبوں میں صوبائی حکومت اور بلدیاتی اداروں کی آرا کو مد نظر رکھا جائے گا۔

اجلاس میں گورنر سندھ نے بتایا کہ صوبہ کے تمام اسٹیک ہولڈرز کو اعتماد میں لیں گے تاکہ ترقیاتی منصوبوں کا موثر استعمال یقینی بنایا جاسکے۔

وزیر خزانہ اسد عمر نے کہا کہ سندھ کے لئے وفاقی منصوبوں کے فنڈز کے جلد از جلد اجراء کو یقینی بنائیں گے۔

Chatاپنی رائے سے آگاہ کریں