برطانیہ میں دیوہیکل سبزیوں کی 3 روزہ نمائش جاری

برطانوی کاؤنٹی نارتھ یارکشائر کے قصبے ہیروگیٹ میں43ویں سالانہ فلاور اینڈگارڈننگ شو کا آغاز ہوگیا ہے۔

3 روز تک جاری رہنے والے اس شو میں ملک بھرسے ماہر کاشت کاروں اور باغبانی کے شوقین افراد شرکت کررہے ہیں۔

اس موقع پر جہاں دیوہیکل پیاز،ہری پیاز،کریلے ،بند گوبھی، گاجر، کھیرے اور کدو سمیت کئی سبزیاں اور پھل شرکاء کی توجہ کا مرکز بنے ہوئے ہیں وہیں رنگ برنگے پھولوں کی شاندار سجاوٹ یہاں آنے والے مہمانوں کی آنکھوں کے لیے خوش کن نظارہ ثابت ہورہی ہیں۔

واضح رہے کہ یہ میلا 16ستمبر (آج ) اختتام پذیر ہوجائے گا۔