آپ آف لائن ہیں
جمعہ 10؍محرم الحرام 1440ھ 21؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر مملکت برائے داخلہ شہریار آفریدی نے کہا ہے کہ ہمسایہ ملکوں سے برابری کی بنیاد پرتعلقات چاہتےہیں، افغانستان میں امن کےبغیرپاکستان میں امن ممکن نہیں۔

چارسدہ کی تحصیل شب قدر میں فرنٹیر کانسٹبلری کی پاسنگ آئوٹ پریڈ سے خطاب اور صحافیوں سے گفتگو میں شہریار آفریدی نے کہا کہ پاکستان کو غیرمستحکم کرنےکی کوشش کرنے والوں کونیست ونابودکردیاجائے گا۔

ان کا کہناتھاکہ شاندار پاسنگ آؤٹ پریڈ سے دنیا کو مثبت پیغام گیا،دہشت گردی کے خلاف جنگ میں ایف سی کی قربانیوں پر فخر ہے اور ایف سی کو مضبوط بنانے کے لیے مثبت اقدامات کریں گے جبکہ ایف سی کو مزید مستحکم کرنے کے لیے ہماری مشاورت جاری ہے۔

وزیر مملکت برائے داخلہ نے یہ بھی کہا کہ افغانستان میں امن کے بغیر پاکستان میں قیام امن ناممکن ہے اور ہم ہمسایہ ممالک کے ساتھ برابری کی بنیاد پر تعلقات چاہتے ہیں، 100 روز کے پلان میں ہر حوالے سے مکمل سسٹم دیں گے۔

Chatاپنی رائے سے آگاہ کریں