آپ آف لائن ہیں
جمعرات9؍ محرم الحرام 1440ھ20؍ ستمبر 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق وزیراعظم محمد نوازشریف کی اہلیہ بیگم کلثوم نوازکی رسمِ قل کی تقریب جاتی امرالاہورمیں ادا کردی گئی ۔قرآن خوانی اور دعاکی تقریب جاتی امراءمیں نواز شریف کی رہائش گاہ اور شریف سٹی کمپلیکس میں ہوئی۔

پرول پر رہائی پانے والےمیاں نواز شریف ان کی صاحبزادی مریم نواز اوردامادکیپٹن ریٹائرڈ محمد صفدر سمیت خاندان کے دیگر ارکان نےگھر میں ہی قرآن خوانی کی۔

رسم قل کی تقریب میں مسلم لیگ ن کےارکان اسمبلی،رہنما اور کارکن شریک ہوئےجنہوں نے بیگم کلثوم نواز کی پارٹی اور جمہوریت کے لیے خدمات کو خراجِ عقیدت پیش کیا۔

اس موقع پر مسلم لیگ ن کے ارکان اسمبلی کاکہناہےکہ نوازشریف ایک ایسا کیس بھگت رہے ہیں جس کی کوئی بنیاد نہیں، یہ کیس فوری ختم ہونا چاہئے۔

سابق وفاقی وزیرراناتنویر کا کہناتھاکہ حکومت کوخوداخلاقی طور پرنوازشریف کےپرول میں توسیع کرنی چاہیئے ، نوازشریف نے پرول کی مدت بڑھانے کی کوئی درخواست نہیں کی۔

سردار ایاز صادق نےکہاکہ پیرول میں توسیع کی درخواست کا فیصلہ شریف خاندان خود کرے گا ۔

ایم این اےخرم دستگیر کا کہنا تھا کہ نوازشریف ایک سال سے ناانصافیاں اوربےبنیادکیس بھگت رہے ہیں، یہ کیس فوری ختم ہوں اور میاں نواز شریف گھر واپس آئیں۔

Chatاپنی رائے سے آگاہ کریں