• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: محمود آباد اور کورنگی سے زخمی سمیت2 ملزمان گرفتار

تازہ ترین
متفرق
19 ستمبر ، 2018
کراچی: محمود آباد اور کورنگی سے زخمی سمیت2 ملزمان گرفتار

کراچی کے علاقوں محمود آباد اور کورنگی میں پولیس کی کارروائیوں کے دوران زخمی ملزم سمیت2 ملزمان کو گرفتار کرلیا گیا ہے۔

محمود آبادپولیس نے دعویٰ کیا کہ کشمیر کالونی پر 3ملزمان ایک دکان کا تالہ کاٹنے کی کوشش کر رہے تھے کہ گشت پر مامور پولیس اہلکاروںنے انہیں پکڑنے کی کوشش کی تو ملزمان نے فائرنگ کر دی جوکہ پولیس موبائل میں جا لگی۔

پولیس کی جوابی فائرنگ سے ایک ملزم زخمی حالت میں گرفتار کر لیا گیا جبکہ دو ملزمان فرار ہو گئے، ملزم شاہزو کے قبضے سے اسلحہ اور لوہا کاٹنے والے کٹر ملے ہیں۔

دوسری جانب کورنگی لنک روڈ پر پولیس نے کارروائی کے دوران اسٹریٹ کرمنل عزیز بنگالی کو اسلحے سمیت گرفتار کر لیا۔

تازہ ترین