ایک ساتھ 3 طلاقیں دینے والا بھارتی جیل جائیگا

بھارت میں ایک ساتھ تین طلاق دینے والے شوہر کو تین سال کے لیے جیل جانا ہوگا ، بھارتی کابینہ نے آرڈیننس جاری کرنے کی منظوری دے دی۔

بھارتی وزیراعظم کی زیر صدارت کابینہ کے اجلاس میں تین طلاقوں کو قابل سزا جرم قرار دینے کے آرڈیننس کی منظوری دے دی ۔

آرڈیننس کی رو سے تین طلاقوں کو جرم صرف اسی صورت میں قرار دیا جائے گا جب طلاق پانے والی خاتون یا اس کے اہل خانہ مجسٹریٹ کے پاس شکایت درج کرائیں گے۔

بھارتی حکومت نے تین طلاقوں کو قابل سزا قرار دینے کا قانون آرڈیننس کے ذریعے نافذ کرنے کا فیصلہ بل کی پارلیمنٹ سے منظوری میں ناکامی کے بعد کیا ہے ۔

بھارتی لوک سبھا اس بل کی منظوری دسمبر میں دے چکی تھی ، مگر راجیہ سبھا میں اس بل پر اتفاق رائے نہیں ہوسکا تھا۔