آپ آف لائن ہیں
جنگ ای پیپر
جمعہ 9؍صفر المظفّر 1440ھ 19؍اکتوبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آرمی چیف جنرل قمر جاوید باجوہ کی چینی صدر شی جن پنگ سے ملاقات میں پاک فوج کے سربراہ نے یقین دہانی کرائی کہ پاک فوج سی پیک کی سیکورٹی کو ہر صورت یقینی بنائے گی ۔

ڈی جی آئی ایس پی آر کے مطابق چینی صدر نے پاکستان کی بطوراسٹریٹجک پارٹنر حمایت جاری رکھنے کے عزم کا اعادہ کیا ۔


آئی ایس پی آر کے مطابق آرمی چیف جنرل قمر جاوید باجوہ نے دورہ چین کے دوران چین کی عسکری اور سیاسی قیادت سے ملاقاتیں کیں، جن میں اہم امور پر تبادلہ خیال کیا گیا۔

چین کے صدر شی جن پنگ سے ملاقات میں علاقائی سلامتی کی صورت صورتحال ، چیلنجز اور آئندہ کے لائحہ عمل پر تبادلہ خیال کیا گیا۔

صدر شی جن پنگ کا کہنا تھا کہ دونوں ممالک کے تعلقات میں پاک فوج کا کردار اہم ہے،پاکستان ہمارا آہنی بھائی ہے، امن کے حصول کیلئے پاکستان نے بہت قربانیاں دی ہیں، پاکستان ہرآزمائش پر پورا اترنے والا دوست ہے۔

چین کے صدر نے پاک فوج کی پیشہ وارانہ مہارت اور کامیابیوں کو سراہتے ہوئے اس عزم کو دہرایا کہ چین پاکستان سے اسٹرٹیجک تعاون جاری رکھے گا، ون بیلٹ ون روڈ اور سی پیک منصوبے کے مخالف کامیاب نہیں ہوں گے۔

آرمی چیف نے چینی صدر کو یقین دلایا کہ سی پیک منصوبوں کو بھی مکمل سیکورٹی یقینی بنائے گی۔

Chatاپنی رائے سے آگاہ کریں