• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
,

ایونکا ٹرمپ کی ناسا کی سیر، خلا بازوں سے خوش گپیاں

تازہ ترین
دنیا بھر سے
22 ستمبر ، 2018


امریکی صدر ڈونلڈ ٹرمپ کی صاحبزادی ایونکا ٹرمپ نے امریکی خلائی ایجنسی ناسا کی سیر کی جہاں وہ خلابازوں سے خوب خوش گپیوں میں مصروف رہیں۔

ایونکا ٹرمپ کی ناسا کی سیر، خلا بازوں سے خوش گپیاں

غیر ملکی میڈیا رپورٹ کے مطابق ایونکا ٹرمپ جو کہ اس وقت امریکی صدر کی مشیر کے طور پر بغیر معاوضہ فرائض سر انجام دے رہی ہیں ، وہ ہمیشہ سے خلا باز بننے کی متمنی رہی ہیں۔


گزشتہ روز امریکی خلائی ادارے ناسا کے دورے کے دوران انہوں نے بین الاقوامی خلائی ا سٹیشن پر خلابازوں سےگفتگو کرتے ہوئےکہا کہ’ آپ لوگ اس وقت وہ کام کر رہے ہیں جس کو کرنے کا میں نے ہمیشہ خواب دیکھا تھا، میں ایک خلا باز بننا چاہتی تھی۔انہوں نے خلا بازوں کا ان کی خدمات پر شکریہ بھی ادا کیا ۔


انہوں نے اپنے سوشل میڈیا پر پیغام دیتے ہوئے کہا کہ میرا خواب پورا ہوا، میں نے ناسا کی سیر کی ہے، وہاں موجود نئی ٹیکنالوجیز دیکھیں اور خلائی طالب علموں سے ملاقات کی۔

انہوں نےمزیدٹوئٹ کرتے ہوئے کہا کہ ایسی باصلاحیت ٹیم سے مل کر بہت خوشی ہوئی۔


ایونکا نے خلائی اسٹیشن پر موجوداسپیس سوٹ دیکھ کر انتہائی خوشی کا اظہار کیا۔انہوں نے وہاں مختلف انداز میں تصویریں بھی بنوائیں۔

تازہ ترین
تازہ ترین