• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

’ریلوے ہیڈکوارٹرزکراچی منتقل کر رہے ہیں‘

تازہ ترین
قومی خبریں
22 ستمبر ، 2018
’’ریلوے ہیڈکوارٹرز کراچی منتقل کر رہے ہیں‘‘

وفاقی وزیرریلوے شیخ رشید احمد کہتے ہیں کہ ریلوے ہیڈکوارٹرز کو 60 روز میں کراچی منتقل کر رہے ہیں، ریلوے کے ریزرویشن آفس رات 12 بجے تک کھلے رہیں گے۔

وفاقی وزیرریلوے شیخ رشید نےلاہور میں پریس کانفرنس کرتے ہوئے کہا کہ فریٹ سروس 15ٹرینوں تک پھیلائیں گے، 100دن میں دس ٹرینوں کی تعداد 15 پر لے کر جائیں گے۔

انہوں نے کہا کہ ٹرینوں میں وائی فائی کی سہولت جلد مہیا کی جائے گی، ایم ایل ون سی پیک میں شامل ہے، ایم ایل 2 کی بھی آفر کرنے جارہے ہیں۔

شیخ رشید نے کہا کہ ریلوے میں مال گاڑیوں کی تعداد میں نمایاں اضافہ کیا جائےگا، محکمے میں سرمایہ کاری بڑھانے کے لیے مانیٹرنگ کمیٹی قائم کی ہے، ریلوے کے2 تین بڑے پلاٹ فروخت کرنے کی خواہش ہے ۔

ان کا کہنا ہے کہ وزیر اعظم کی منظوری کے بعد پلاٹ فروخت کریں گے، اس وقت ریلوے کا خسارہ 38ارب روپے ہے،جبکہ 25ارب روپے کا قرض ہے۔

وزیر ریلوے نے یہ بھی کہا کہ وزیر اعظم سے درخواست کی ہے کہ ریلوے ملازمین کی تنخواہیں بڑھائی جائیں،1905 ءکے ریکارڈ پر بڑے بڑے مگر مچھوں نے قبضہ کیا ہوا ہے،ایک لاکھ 37ہزار سے ایک لاکھ 19ہزار پنشنرز پر آگئے ہیں۔

تازہ ترین