آپ آف لائن ہیں
جنگ ای پیپر
پیر9؍ربیع الثانی 1440ھ 17؍دسمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی وزیر اطلاعات و نشریات فواد چوہدری نے کہا ہے کہ لگتا ہے بھارتی آرمی چیف جنرل بپن راوت خود کو جنرل نہیں بھارتیہ جنتا پارٹی کا جنرل سیکریٹری سمجھتے ہیں ۔

بھارتی آرمی چیف کےبیان پر رد عمل میں فواد چوہدری نے کہا کہ جنرل بپن راوت کا بیان انتہائی نامناسب ہے ۔

ان کا کہناتھاکہ ہم امن کی بات کررہے ہیں اوربھارتی آرمی چیف جنرل بپن راوت جنگ کی بات کررہے ہیں۔

فواد چوہدری نے یہ بھی کہا کہ بھارتی فوج کے سربراہ خود کو سیاسی جماعت کے آلہ کار کے طورپر نمایاں کررہے ہیں ۔

انہوں نے کہا کہ پاکستان اور بھارت ایٹمی طاقتیں ہیں، جنگ نہیں ہوسکتی ، ہم تو امن کےلیے کھڑے ہیں، اپنی کوشش کرتے رہیں گے۔

وفاقی وزیر نے مزید کہا کہ پوری دنیا آج دیکھ رہی ہے کہ پاکستان کا کردار کیا ہے اور بھارت کا کردار کیا ہے۔

Chatاپنی رائے سے آگاہ کریں