آپ آف لائن ہیں
جنگ ای پیپر
منگل10؍ربیع الثانی 1440ھ18؍دسمبر 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشیا کپ کے سپر فور مرحلے میں پاکستان نے بھارت کے خلاف ٹاس جیت کر پہلے خود بیٹنگ کا فیصلہ کیا ہے،سپر فور مرحلے کے اس میچ کی فاتح ٹیم کی ایشیا کپ کرکٹ ٹورنا منٹ کا فائنل کھیلنے کی راہ ہموار ہو جائے گی۔

پول میچ میں بھارت کے ہاتھوں شکست کے بعد پاکستانی ٹیم میں دو تبدیلیاںکی گئی ہے ، فاسٹ بولر عثمان شنواری کی جگہ محمد عامر کی ٹیم میں واپسی ہوئی ہے جبکہ شاداب خان فٹنس ٹیسٹ میں کامیاب ہونے کے بعد حارث سہیل کی جگہ واپس ٹیم میں شامل ہو ئےہیں ۔

ایشیا کپ کی تاریخ میں بھارت کاپاکستان کیخلاف پلہ بھاری ہے اس نے پاکستان کوسات مرتبہ شکست دی ہے جبکہ پاکستان نے بھارت کو چار مرتبہ زیر کیا ہے۔

دبئی کے انٹرنیشنل کرکٹ گرائونڈ میں کھیلے جانے والے میں ممکنہ پاکستانی اسکواڈ میں کپتان سرفراز احمد ، فخر زمان، امام الحق، شعیب ملک، بابراعظم، شاداب خان ، محمد نواز، آصف علی، شاہین آفریدی، حسن علی اورمحمد عامر شامل ہیں۔

بھارتی ٹیم کپتان روہت شرما، شیکر دھون، مہندرا سنگھ دھونی،دنیش کارتھک، بھونیشور کمار، شاردل ٹھاکر، کلدیپ یادیو، خلیل احمد، امباتی روئیڈو، اور یزویندرا چاہل پر مشتمل ہوسکتی ہے۔

دوسری جانب ہائی وولٹیج میچ کیلئے سابق اور موجودہ کرکٹرز نے قومی ٹیم کومختلف مشورے دیئے ہیں،کسی کھلاڑی نے بیٹنگ کی خامیوں پر قابو پانے کا مشورہ دیا ہے تو کسی نے فیلڈنگ پر توجہ دلائی ہےتاہم سب کے دلوں میں موجود خواہش ایک ہی ہے کہ پول میچ میں شکست کا بدلہ ضرور لینا چاہئے۔

Chatاپنی رائے سے آگاہ کریں