• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت عوامی مسائل کا حل ترجیحی بنیادوں پر چاہتی ہے، گورنر سندھ

تازہ ترین
قومی خبریں
23 ستمبر ، 2018
حکومت عوامی مسائل کا حل ترجیحی بنیادوں پر چاہتی ہے، گورنر سندھ

گورنر سندھ عمران اسمعیل نے کہا ہے کہ وفاقی حکومت عوامی مسائل کے ترجیحی بنیادوں پر حل کے لئے پر عزم ہےاور اس ضمن میں اتحادی جماعتوں کی آرا ءکو شامل کیا جائے گا۔

انہوں نے یہ بات گورنر ہائوس کراچی میں گرینڈ ڈیموکریٹک الائنس کے رہنما بیرسٹر حسنین مرزا کی قیادت میں 9 رکنی وفد سے ملاقات میں کہی ،وفد میں عارف جتوئی،شہریار مہر، نصرت سحر عباسی اور عبدالرزاق راہموں شامل تھے۔

ملاقات میں سندھ کی سیاسی صورتحال، ترقیاتی ضروریات اور کم ترقی یافتہ اضلاع میں ترجیحی بنیادوں پر منصوبوں کے آغاز پر گفتگو کی گئی۔

اس موقع پرگورنر سندھ کا کہنا تھا کہ گرینڈ ڈیموکریٹک الائنس کے ارکان سندھ اسمبلی اپنے علاقوں کے لئے ترقیاتی منصوبے تیار کریں، وہ جلد ہی سندھ کے مختلف اضلاع کا دورہ کرکے وہاں کی ترقیاتی ضروریات کا جائزہ لیں گے۔

انہوں نے مزید کہا کہ وزیر اعظم صوبہ سندھ کو ملک کے دیگر حصوں کی طرح ترقی کرتا دیکھنے کے خواہشمند ہیں۔

تازہ ترین