• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

19ہزار6سو کیک کی مدد سے دنیا کا سب سے بڑا موزائک تیار

تازہ ترین
دلچسپ و عجیب
25 ستمبر ، 2018


سعودی عرب میں ہزاروں مگ کیک سے ایک خوبصورت موزائک بنایا ہے جس کے بعد گنیزبک آف ورلڈ ریکارڈ نے دنیا میں مگ کیک کا سب سے بڑا ڈیزائن قرار دیا ہے۔

19ہزار6سو کیک کی مدد سے دنیا کا سب سے بڑا موزائک تیار

سعودی عرب کی 88 ویں قومی دن کے موقع پر جدہ کے مشہور الاْندلس مال میں مگ کیک بنانے والی کمپنی کی جانب سے اس ایونٹ کا انعقاد کیا گیا ۔

کمپنی کے مطابق کل 19,600 کیک اس میں استعمال ہوئے اور انہیں سجاکر112 مربع فٹ وسیع ایک موزائک نما ڈیزائن بنایا گیا تھا۔ اس طرح اسے دنیا میں مگ کیک سے بنا سب سے بڑا ڈیزائن کہا جاسکتا ہے جس کی تصدیق خود گنیز بک آف ورلڈ ریکارڈ نے بھی کی ہے۔

19ہزار6سو کیک کی مدد سے دنیا کا سب سے بڑا موزائک تیار

جب ہزاروں کیک سے فرش پر ایک طویل ڈیزائن بن گیا تو اس کے بعد گینز بک آف ورلڈ ریکارڈ کے جج احمد جمال جابر نے اس کی تصدیق کرتے ہوئے اسے مگ کیک کا سب سے بڑا ڈیزائن قرار دیا ہے۔

ان ہزاروں مگ کیکس کو بنانے کے لیے 30 کے قریب شیف نے مسلسل 8 گھنٹے تک کام کیا ۔

تازہ ترین