خورشیدشاہ نے نیب مقدمات کو انتقامی کارروائی قرار دے دیا

پیپلز پارٹی کے مرکزی رہنما خورشید شاہ نے اپنے خلاف نیب مقدمات کو انتقامی کارروائی قرار دے دیا ہے ۔

میڈیا سے گفتگو میں پی پی رہنما نے کہا کہ موجودہ حکومت کو اپنے خلاف کیسز کی تفتیش کی دعوت دیتے ہیں۔

انہوں نے کہا کہ میرے خلاف کیس تھا تو تحقیقات کی جاتی ، میڈیا میں خبر یں چلوا کر تضحیک کرنا مناسب نہیں ۔

خورشید شاہ نے مزید کہا کہ پی ٹی آئی پہلے کہتی تھی سارا بجٹ زیادہ وزراء کے پاس چلاجاتا ہے لیکن جب سے ان کی حکومت آئی وزیر بڑھتے ہی جارہے ہیں،لگتا ہے ان کی کابینہ ریکارڈ توڑدے گی ۔