آپ آف لائن ہیں
جنگ ای پیپر
پیر 12؍صفر المظفّر 1440ھ 22؍اکتوبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ترکی اور امریکا میں تنائو کا خاتمہ ہوگیا ،ترک عدالت نے قید امریکی پادری انڈرو برناسن کو رہا کرنے کا حکم دے دیا۔

ترک شہر ازمیر میں لگنے والی عدالت نے پادری کو تین سال 15 دن قید کی سزا سنادی تھی جو عدالت کے مطابق گرفتاری کے دن سے گزاری جاچکی ہے ۔

میڈیا رپورٹس کے مطابق ترک عدالت نے پادری پر عائد نظربندی اور سفری پابندی کے احکامات ختم کردئیے۔

امریکی میڈیا نے پادری کی رہائی کو وائٹ ہاؤس اور انقرہ حکومت کے درمیان خفیہ ڈیل قرار دے دیا۔

ترک پولیس نے سال 2016ء امریکی پادری کو فوجی بغاوت کی حمایت اور دہشت گرد قرار دی جانے والی جماعت سے خفیہ تعلقات کے شبہے میں گرفتار کیا تھا جس کے باعث انقرہ اور واشنگٹن کے درمیان شدید تناؤ ہوا تھا۔

گزشتہ روز امریکی میڈیا نے امید ظاہر کی تھی کہ ترک عدالت آج امریکی پادری کو رہا کردے گی ، اس حوالے سے واشنگٹن اور انقرہ میں معاہدہ طے پاگیا ہے ۔

Chatاپنی رائے سے آگاہ کریں