ضمنی انتخابات، آر ٹی ایس ، آر ایم ایس سسٹم فعال

14 اکتوبر ، 2018

الیکشن کمیشن نے ضمنی انتخابات کے نتائج کے لیے آر ٹی ایس اور آر ایم ایس سسٹم فعال کر دیا، ریٹرننگ افسر آر ایم ایس پر نتائج بھیجیں گے۔

25 جولائی کو ہونے والے عام انتخابات میں ملکی تاریخ میں پہلی مرتبہ آر ٹی ایس سسٹم کا استعمال کیا گیا اور ایک مرتبہ پھر اسے ضمنی انتخابات میں بھی استعمال کیا جارہا ہے۔

پریزائیڈنگ افسران انتخابی نتائج آر ٹی ایس پر الیکشن کمیشن کو بھیجیں گے جب کہ ریٹرننگ افسر آر ایم ایس کے ذریعے نتائج بھیجیں گے۔

ذرائع کے مطابق 7 ہزار 186 پولنگ اسٹیشنز آر ٹی ایس سے منسلک کردیے گئے ہیں اور نادرا کی ٹیم بھی الیکشن کمیشن میں موجود ہے۔

واضح رہے کہ انتخابی نتائج کی موصولی کا عمل شام 5 بجے کے بعد فوری شروع ہو جائے گا اور نتائج مکمل ہونے کے بعد الیکشن کمیشن کی جانب سے کامیاب امیدواروں کے ناموں کا اعلان کیا جائے گا۔

تازہ ترین