کراچی :مردے کےنام پر بینک اکائونٹس ، اربوں روپے کی ٹرانزیکشن

کراچی میں فالودہ فروش اور رکشہ ڈرائیور کے بعد مردے کے نام پر بھی بینک اکائونٹ کا انکشاف ہوا ہے ۔

مرحوم اقبال آرائیں کے نام پر تین مختلف بینکوں میں3 اکائونٹس کھولے گئے جن سےاربوں روپے کی ٹرانزیکشن ہوئیں۔

ذرائع کے مطابق اقبال آرائیں کامئی 2014ء میں انتقال ہواتھا۔تینوں بینک اکائونٹس انتقال کے بعد کھولے گئے ۔

ذرائع کے مطابق ان بینک اکائونٹس سے 4 ارب 60 کروڑ روپے کی ٹرانزیکشن ہوئیں۔

ذرائع کے مطابق انتقال کے بعد مرحوم اقبال آرائیں کی تدفین سخی حسن قبرستان میں کی گئی تھی ۔

کراچی میں اس سے قبل فالودے والے اور رکشہ ڈرائیور کے نام پر بھی اربوں روپے کے اکاؤنٹس کا انکشاف سامنے آیا تھا ۔