لاوڈ اسپیکر کیس، نئے تفتیشی افسر نے مہلت مانگ لی

ایم کیو ایم رہنماؤں کے خلاف لاوڈ اسپیکر ایکٹ کی خلاف ورزی سے متعلق کیس میں نئے تفتیشی افسر نے کراچی کی سیشن عدالت سے 10 دن کی مہلت مانگ لی۔

ایم کیو ایم رہنماؤں کیخلاف لاوڈ اسپیکر ایکٹ کی خلاف ورزی سے متعلق کیس کی سماعت کے دوران فاروق ستار جوڈیشل مجسٹریٹ شرقی کی عدالت میں پیش ہوئے۔

دوران سماعت کیس کے نئے تفتیشی افسر نے عدالت سے 10 دن کی مہلت مانگ لی، جس پر عدالت نے تفتیشی افسر کو10 دن کی مہلت دیتے ہوئے سماعت 5 نومبر تک ملتوی کر دی۔

واضح رہے کہ رہنما ایم کیو ایم پاکستان کے رہنما فاروق ستار پر نیو ٹاؤن اور سولجر بازار تھانے میں ایک ایک مقدمہ درج ہے۔