وفاق کا منی لانڈرنگ روکنے کیلئے ٹاسک فورس بنانے کا فیصلہ

وفاقی حکومت نے منی لانڈرنگ روکنے کےلئے ٹاسک فورس بنانے کا فیصلہ کرلیا ہےجس کی حتمی منظوری وزیراعظم عمران خان دیں گے۔

ذرائع کے مطابق منی لانڈرنگ کی روک تھام کےلئے بنائی جانے والے ٹاسک فورس کے سربراہ وفاقی سیکریٹری داخلہ ہوں گے ۔

ٹاسک فورس میں حساس اداروں ،نیب ،ایف آئی اے اور اے این ایف کے نمائندے بھی شامل ہوں گے۔

ذرائع کے مطابق صوبائی سطح پر چیف سیکریٹریز ٹاسک فورس کےسربراہاں ہوں گے جبکہ اس کے دفاتر ملک کے تمام ائرپورٹس اور صوبوں میں بنائے جائیں گے۔