لاہور ( این این آئی) قومی احتساب بیورو (نیب ) لاہور نے سابق ڈی جی ایل ڈی اے احد چیمہ کیخلاف ناجائز اثاثہ جات کیس میں ریفرنس احتساب عدالت میں دائر کر دیا۔ ذرائع کے مطابق نیب لاہور نے احد چیمہ کی اربوں روپے کی جائیداد کا انکشاف ہونے پر ریفرنس دائر کیا ہے۔ انکوائری کے مرحلے میں احد چیمہ ان جائیدادوں بارے نیب حکام کو تسلی بخش جواب نہیں دے سکے تھے۔ احتساب عدالت کے جج نجم الحسن 31اکتوبر کو ریفرنس کی سماعت کرینگے جہاں نیب پراسیکیوٹر اپنے دلائل دینگے۔ذرائع کے مطابق احد چیمہ کے دیگر خاندان والوں کے نام بھی جائیدادیں ہونے کا انکشاف ہونے کا امکان ہے۔
فرمان الہی
نماز کے اوقات
