خواجہ آصف کی اہلیت سے متعلق سپریم کورٹ کا تفصیلی فیصلہ جاری

19 اکتوبر ، 2018

مسلم لیگ نون کے رہنما اور سابق وزیر خارجہ خواجہ آصف کی اہلیت سے متعلق سپریم کورٹ نے اپنا تفصیلی فیصلہ جاری کر دیا۔

سپریم کورٹ آف پاکستان نے یکم جون کو اسلام آباد ہائی کورٹ کا فیصلہ کالعدم قرار دے دیا تھا، اسلام آباد ہائی کورٹ نے خواجہ آصف کو اثاثے چھپانے کے الزام میں نااہل کیا تھا۔

سپریم کورٹ کے تفصیلی فیصلے میں کہا گیا ہے کہ خواجہ آصف پر مفادات کے تصادم کا کوئی مقدمہ نہیں بنتا، درخواست گزار عثمان ڈار خواجہ آصف کے خلاف کوئی الزام ثابت نہیں کر سکے۔

اس سے قبل سپریم کورٹ کے جسٹس عمر عطا بندیال کی سربراہی میں جسٹس فیصل عرب اورجسٹس سجادعلی شاہ پرمشتمل 3رکنی بنچ نے کیس کی سماعت کی تھی اور خواجہ آصف کی تاحیات نااہلی ختم کرتے ہوئے انہیں الیکشن میں حصہ لینے کے لیے اہل قراردیا تھا۔

تازہ ترین