اسپائیڈر مین ایک بار پھر تہلکہ مچانے کو تیار

ہالی وڈ کا اسپائیڈر مین ایک بار پھر باکس آفس پر تہلکہ مچانے کو تیار ہے اورمارول کامکس کی نئی اینیمیٹیڈ سپر ہیرو ایکشن ایڈونچر فلم اسپائیڈر مین؛اِن ٹو دی اسپائیڈر ورس کانیا ٹریلرجاری کردیا گیا ۔

پیٹر ریمزے اورباب پرسیچیٹی کی مشترکہ ہدایتکاری میں بننے والی اس اینیمیٹیڈفلم کی کہانی پیٹر پارکر نامی ایسے لڑکے گِرد گھوم رہی ہے جو غیرمعمولی صلاحیتوں کا مالک ہوتا ہے اور مکڑی کی طرح ہاتھوں سے جال نکالتے ہوئے بلند و بالا عمارتوں پر سیکنڈوں میں چڑھ جاتا ہے۔

اسپائیڈر مین؛ اِن ٹودی اسپائیڈر ورس کانیاٹریلر جاری

نئی اینیمیٹڈ سپر ہیرو ایکشن ایڈونچر فلم ...

مکڑی کی خصوصیات لِئے یہ اسپائیڈرمین برائی کا مقابلہ کرتے ہوئے اپنے دشمنوں کو منہ توڑ جواب دیتا ہے ۔

فِل لارڈ اورکرس مِلرکی پروڈیو س کردہ اس فلم میں دلچسپ کمپیوٹراینیمیٹیڈکرداروں کے ڈائیلاگ ہالی وڈاداکارلیو شرائبر، شمیک مور، مہر شالا علی اوربرائن ٹائر ہینری کی آوازوں میں ریکارڈ کروائے گئے ہیں۔

کولمبیا پکچرز، سونی پکچرز اینیمیشن اورمارول انٹرٹینمنٹ کی تیار کردہ برائی کے خلاف لڑتے اور انسانیت کی مدد کرتے سپر ہیروپر مبنی یہ ایکشن ایڈونچراینیمیٹیڈ فلم سونی پکچرز کے تحت رواں سال 14دسمبرکو سنیماگھروں میں دھوم مچانے آرہی ہے۔