’زرداری کے بیان سے مری ڈیکلریشن کی بلی تھیلے سے باہر آگئی‘

وفاقی وزیر بحری امور علی زیدی نے کہا ہے کہ آصف علی زرداری کے بیان سے مری ڈیکلریشن کی بلی تھیلے سے باہر آگئی ۔

آصف زرداری کی پریس کانفرنس پر ردعمل دیتے ہوئے علی زیدی نے کہا کہ پی پی رہنما کو سہارے سے اسمبلی لایا جاتا ہے وہ کیا قرار داد لائیں گے۔

ان کا مزید کہناتھاکہ آصف زرداری اس لئے پریشان ہیں کہ حسین لوائی اور انور مجید طوطے کی طرح بول رہے ہیں۔

وفاقی وزیر نے یہ بھی کہا کہ سب سے پہلے ایان علی اور عزیر بلوچ کی جے آئی ٹی سامنے لائی جائیں۔